بوقاتار وصالدان حسرته گئدیر
بوقاتار وصالدان حسرته گئدیر،
وطن اوره ییمد ن غربته گئدیر.
دئیه سن آیری بیر قیسمته گئدیر،
نه اولار،ساخلا یین گئدن قاتاری.
گولوشوآپاریر،گؤزیاشیم قالیر،
اوره ییم بوشالیر،گؤزلریم دولور.
بو قاتارآیریلیق هاواسی چالیر،
نه اولار،ساخلایین گئدن قاتاری.
زامانی دوغراییب بیچیر بوقاتار،
سئوگیمین اوستوندن کئچیر بوقاتار.
منیم گؤز یاشیمی ایچیر بوقاتار،
نه اولار،ساخلایین گئدن قاتاری.
یویورسم،چاغیرسام چاتا بیلمه رم،
قلبیمدن قوپاریب،آتا بیلمه رم،
گئتدی می؟ بیر داها توتا بیلمه رم ،
نه اولار،ساخلایین گئدن قاتاری.
منیم باهاریمی آپاریب گئدیر،
الینی الیمدن قوپاریب گئدیر.
قویمایین یاریمی آپاریب گئدیر
نه اولار،ساخلایین گئدن قاتاری.
نصرت کسمنلی
ایمیل شما بعد از ثبت نمایش داده نخواهد شد