او سر زولفووه مشّاطه، پری شانه ویرار
چوخ ستمگردی پریشانی پریشانه ویرار
گؤرورم قتلیمه آماده دی جلاد گؤزون
تُرک بد مست تک، ال خنجر برّانه ویرار
حلقه زولف گره گیری ده باغلاندی کؤنول
اؤز اؤزون گؤر نئجه زنجیره بو دیوانه ویرار
لوح رخساریوی دوتموش او خطا کار خطون
قویما بیگانه الین سیب زنخدانه ویرار
آلمیسان یانوه گؤردوم گئجه رؤیادا منی
اؤزوم اؤز بختیمی بوللم، بو یوخی یانه ویرار!
لبلرون فکری منه قوت دل اولسا نه عجب
طعنه یاقوت لبون لعل بدخشانه ویرار
شیخ صنعان کیمی هرکیمسه سنی گؤردی دئدی:
عاقبت رخنه بو ترسا بچه ایمانه ویرار
ناوک غمزون ایچر قانیمی ای قاشی کمان
چشم مستون کیمی مخموردو، پیمانه ویرار
یانارام آتش هجرانووه باک ائیلمرم
شعله ی شمعه اؤزون رسمدی پروانه ویرار
زاهدون کفرینه عشقیم وئری فتوای صریح
کافر عشقه باخون، طعنه مسلمانه ویرار!
وار امیدیم سالا صراف اله بیر سرمایه
صراف تبریزی
سلام
خوب هستین؟
وبلاگ خوب وجالبی دارین
خوشحالم که شما هم یک ترک هستین
از وب اقای ابراهیمی برداشتم
خوشحالم میشم بهم سربزنی