ایندی
کونول غم چکمه یار آچمیش جمالیندن نقاب ایندی
خجالت‌دن اوزون تورپاغه سورتور آفتاب ایندی
او سرو نازنینین قامتی سانکی قیامت دیر
کی سالمیش خاطیر احبابه شوق انقلاب ایندی
طواف کوی جانان قصدین ائتمیش عشق چاووشی
بو یوزدن آذری اوغلو اولوبدور فیض‌یاب ایندی
همیشه اهل عشقی بی‌ریالیق نیک‌نام ائیلر
نولا، عالم قیلور اهل ریادن اجتناب ایندی
اومید وصلینه بیر نازنینه اعتماد ائتدیم
بو شیدا کونلومه هجرینده ائیلر مین عذاب ایندی
دم اورمش یوسف شادی زلیخای محبتدن
اولور معشوقه سیندن خسته عاشیق کامیاب ایندی
اول آهو گوزلونین گویا کی گورموش زلف پرچینین
قاچوب دشت خطاده گیزله‌نوبدیر مشکناب ایندی
مریده بنده‌ی پیر مغانم، عشق فیضیندن
نه ایسترسه‌م، اولور میخانه‌لرده مستجاب ایندی
من اول ساغرپرست و رند و عیاش کهن سالم
منه حرمت قیلوب تعظیم ائدر جام شراب ایندی
سیزینله بیز گوروش‌مگ آرزوسین چوخدان ائتمیش‌دیک
داریخما، فطرته یازسن‌ده، واحد، بیر جواب ایندی
علی آقا ایسکندر اف
فغان ائیله‌میسن
دیدیم: ای غنچه دهن، کونلومی قان ائیله‌میسن!
دیدی: «بی‌جا یئره عشقمده فغان ائیله‌میسن!
دیدیم: انصاف ائیله اینجیتمه منی عاشقینم...
دیدی: «گئت!،سرّیمی دنیایه عیان ائیله‌میسن
دیدیم: آغلاتما منی سرو بویون شوقینده!
دیدی: «گوز یاشینی بیهوده روان ائیله‌میسن
دیدیم: آخر گوزلیم، باغ و بهاریم سنسن
دیدی: «سن عمرینی حسرتله خزان ائیله‌میسن
دیدیم: آز چکمه‌میشم گوزلرینین حسرتینی
دیدی: «اؤز کونلونی یئر سیز نگران ائیله‌میسن
دیدیم: عشقینده اسیرم، منه بس خیری نه‌دیر؟
دیدی: «اولده بو سوداده زیان ائیله‌میسن
دیدیم: عشق آتشی نیلر منه؟ قورخان ده‌گیلم
دیدی: «بیچاره یانارسان! نه گومان ائیله میسن؟
دیدیم: ای گل! من ازلدن‌ده گوزه‌ل عاشقیم
دیدی: «سن روحینی عشق‌ائیله جوان ائیله‌میسن
دیدیم: هر گون سر کوی‌ینده دولانماقدر ایشیم
دیدی: «واحد، نه گوزه‌ل یئرده مکان ائیله‌میسن
علی آقا واحد
نه ایمیش
ای خوش اول مست که بیلمه زغم عالم نه ایمیش
نه چکر عالم اوچون غم نه بیلیر غم نه ایمیش
بیر پری سلسله عشقینه دوشدوم ناگه
شیمدی بیلدیم سبب خلقت آدم نه ایمیش
واعظ اوصاف جهنم دئیر ای اهل ورع
وار اونون مجلسینه بیلکی جهنم نه ایمیش
اوخی کوکسیمدن اوتوب قالمیش ایمیش پیکانین
آه بیلدیم سبب آه دمادم نه ایمیش
ای فضولی مزه ی ساقی و صهبا بیلدین
توبه قیل تا بیله سن زرق و ریا هم نه ایمیش
حکیم فضولی
سفر
قرانلیقین کوچه سین دهن گونش ضیافتینه
سفرده‌یم گئدیره‌م سئوگی مین زیارتینه
گره ک بو دار کومه دهن اوز قویام سماواته
وئره‌م بویوک عرضی جوهرین طراوتینه
سفر بولیل لی سولاردان گره ک دی ماوی لیگه
قاتام بو دامجی نی دریالارین لطافتینه
قیرام نه باغلی لیقیم وار بو کوهنه توپراق دان
چکه‌ام قاناد ابدی وارلیقین مساحتینه
سفر سفر ابدی دور دونوم لی داغ دره لی
نهایتین ده چاتیر خلقتین قیامتینه
سفرده‌یم بویوروبلارکی یولچو یولدا گره ک
او دورکی ائلچی گئدیر کهکشان سیاحتینه
یحیوی اردبیلی
توفان
دولغون سمالاردان یاغیر توفان لی توفان یاخشی باخ
حیران کونول ده چیرپینیر عصیان لی توفان یاخشی باخ
یئرسیز ده ییل بیر بویله های بیربویله گون بیر بویله آی
هاردان آخیر بیربویله چای بو جان لی توفان یاخشی باخ
جوشغون دی شاعرسینه سی اوددور اوره ک گنجینه سی
شاعر خیالیندان بیتر آلقان لی توفان یاخشی باخ
بو حس یوخ بیر جذبه دیر روحو یاران بیر ضربه دیر
توپراق جانین دیکسیندیریر عصیان لی توفان یاخشی باخ
رقصان دی عالم شبهه سیز هم غمزه گر هم عشوه ریز
وارلیق نه دی جوشغون دنیز طغیان لی توفان یاخشی باخ
آخ آخ ریاست ده ن دئمه زوردان سیاست ده ن دئمه
دیل باغلادار قان آغلادار بحران لی توفان یاخشی باخ
قوی کوکره سین قان چایلاغی جوشسون سوزون قان قایناغی
چاخناشدیران دا ائلچی نی جولان لی توفان یاخشی باخ
حیران
قارانلیقین کوچه سین دهن گونش ضیافتینه
سفرده‌یم گئدیره‌م سئوگی مین زیارتینه
گره ک بو دار کومه دهن اوز قویام سماواته
وئره‌م بویوک عرضی جوهرین طراوتینه
سفر بولیل لی سولاردان گره ک دی ماوی لیگه
قاتام بو دامجی نی دریالارین لطافتینه
قیرام نه باغلی لیقیم وار بو کوهنه توپراق دان
چکه‌ام قاناد ابدی وارلیقین مساحتینه
سفر سفر ابدی دور دونوم لی داغ دره لی
نهایتین ده چاتیر خلقتین قیامتینه
سفرده‌یم بویوروبلارکی یولچو یولدا گره ک
او دورکی ائلچی گئدیر کهکشان سیاحتینه
یحیوی اردبیلی
نازلی نگاریم گلدی
شمعی صوندور دخی پروانه کی یاریم گلدی
گوله باخ آغلا بولوت نازلی نگاریم گلدی
گئجه بایرام ائدرم جانیمی قربان سنه یار
سروریم، تاجی سریم، باغلی باهاریم گلدی
قامتین سرو سنین، جنتی گزدیم تایی یوخ
چاکری اولدوغوم اول شاهی سواریم گلدی
حسنونون شمعینه پروانه دئییب دوندی کوله
آتشیم صوندورن اول لاله عذاریم گلدی
دئدیم ای نازلی ملک سئو بو نظامینی دئدی:
سنینم عهد ائله دی چشم خماریم گلدی
نیظامی گنجوی
سیغمازام
گوهری لامکان منم کون و مکانا سیغمازام
عرشیله فرش و کاف وکان منده بولوندو جمله چون
کَس سوزونی اوزاتما کی شرح بیانه سیغمازام
سن بو نشانیله منی من بو نشانه سیغمازام
کیمسه گمان و ظن ایله اولمادی حقیله بیلیش
حقی بیلن بیلیر کی من ظن و گمانه سیغمازام
صورته باخ و معنی نی صورت ایچینده تانی کی
جیسمیله جان منم ولی جسمیله جانه سیغمازام
هم صدفم هم اینجی یم حشر و صراط و سینجیم
بونجا قماش و رختیله من بو دکانه سیغمازام
گور بو اطیفنی کی من دهرو زمانه سیغمارام
گرچه محیط اعظمم آدیم آدیمدی آدیمم
واریله کُن فکان منم من بو مکانه سیغمازام
انجمیله فلک منم وحی اولان ملک منم
چک دیلینی سن ابسم اول من بو لسانه سیغمازام
ذره منم گونش منم چارله پنج و شش منم
صورتی گور بیان ایله من بو بیانه سیغمازام
ذات ایله ام هم صفاتیله قدریله هم براتیله
گل شکرم نباتیله بسته دهانه سیغمازام
شهد منم شکر منم شمس منم قمر منم
روح وروان باغیشلارام روح وروانه سیغمازام
اره یانان شجر منم چرخه چیخان حجر منم
گور بو اُودون زبانه سین من بو زبانه سیغمازام
گرچه بوگون نسیمی یم هاشمی یم قریشی یم
مندن اولودور آیتیم آیت شانه سیغمازام
آتا بابا سؤزلری ۱۱
ایلان اولدوز گؤرمَسه اؤلمز
ایلان چیخدیغی باجانی یاخشی تانییار
ایلان دوزلمَیینجه یوواسینا گیرمز
ایلان قابیغینی دَییشر، خاصیّتینی دَییشمز
ایلان ووران آلا چاتیدان دا قورخار
ایلان ووران یاتار ، آج یاتماز
ایلان هر یئره ده اَیری گئدسه ، از یوواسینا دوز گئدر
ایلان یولو اَیری گئدر، یوواسینا دوز گودر
ایلانا آغونو کَرتَنکله وئرر
ایلانی اؤزگه الی ایله توتمازلار
ایلانی سید احمد الی ایله توتارلار
ایلانی یارالی بوراخمازلار
ایلانین آجیغی یارپیزدان گلر،هارا گئدسه اونونلا اوز اوزه چیخار
ایلانین آغینا دا لعنت ،قاراسینا دا
ایلانین باشینی اؤزگه الی ایله اَز
ایلانین بوغازینا گیرَن چیخماز
ایلانین قوسزوغونو یوخ ، باشینی اَزرلر
ایلده باشا گلمَین ، دیلده باشا گلر
ایلقاریندان دؤنن نامرددیر
ایللر قوجالتماز انسانی غصّه قوجالدار
ایلنمیش اته میلچک قونار
ایلنمیش سویو ایچمزلر
ایلین آخیر چرشنبه سی کیمینه دوشر، کیمینه یوخ
ایلین یاخشی اولاجاغی باهاریندان بللی
اَینینده دونو یوخ ، باشیندا پاپاق اختاریر
ایی بیلمَین تولا دریسینی کولا وئمز
بار وئرن آغاجا داش آتارلار
بارسیز آغاجا داش آتمازلار
بارلی آغاجین باشینا دولانارلار
بارماغین هانسینی کسسن ، آغریسی بیردیر
بازار آتا آنا تانیماز
بازار ایچینده ایت قولاغی کسمزلر
بازار باققالسیز اولماز، مئشه چاققالسیز اولماز
بازار چؤرَیی چوخ اولسون ، بازاردا اولسون
بازار شیطان یوواسیدیر
بازار قورولدو ، حساب دورولدو
بازار یانسین ، آمما منه بیر مانات قازانج اولسون
بازارا گئدر یاغیش یاغار، دَییرمانا گئدر قیرغین اولار
بازاردا بئز اوجوز اولاندا آدام اؤزونو اؤلدورمز
بازاری کاساد اولانا مَردَنه گرک اولسون
باش یاراندان چوخ قمه توتان وار
باغا چاناغیندا چیخدی ، چاناغینی بَینمدی
باغا یول گئده بیلمز ، ائوینی بئلینده گزدیرر
بالا قوشون آغزی بؤیوک اولار
بالالی قارغایا پای دوشمز
باهاسینا پول وئرمیشم ، گؤزلریم ده چیخسادا یئیرم
باهالیقدا چؤرَگینی اَسیرگَیَن اوجوزلوقدا یالقیز قالار
بد آت اؤزونو گؤزلر ، یاخشی آت ایگیدی
بد اؤزوده بیر رنگدیر
بد ائولاد خطایا اورجاح اولار
بد اصیلدن اصیل اولماز، بوینونمجا قیزیل قالا
بد اصیلدن اصیل اولماز، قاچان قیزدان خانیم!
بد اصیلی باشا چکرسن ، سوروشر آیاغا دوشر
بکمز ساتانا دا لعنت، بکمز آلانادا !
بلد چیله گئدن یورولماز
بلدچییه یول گؤسترمزلر
بوغاز منیم ، قارین اؤزگه نین
بولانماسا ، دوردولماز
بیر کسین نصیبین او بیری کس یئمز
بیری یاغیش اولدو ، سن تورپاق اول
بیریئرده اوتورما کی ، آلتینا سو چیخسین
پئندیر یئیَن سو آختارار
پاپاقچینین پاپاغی ییرتیق اولار
پاپاقچینین کؤنلو اولسا ، بیر دَریدن دوققوز پاپاق تیکر
پاران اوجوز ایسه ، اؤزون باهالی اول
پاسلی دمیردن قیلینج اولماز
پای بؤلَنه پای قالماز
پای پایلایان پاییندان اولار
پایینی یالقیز یئیَن پایینی دیشی ایله توتار
سهندیم
شاه داغیم، چال پاپاغیم، ائل دایاغیم، شانلی سهند´یم
باشی توفانلی سهند´یم
باشدا حئیدر بابا تک قارلا، قیروولا قاریشیبسان
سون ایپک تئللی بولودلارلا اوفوقده ساریشیبسان
ساواشارکن باریشیبسان
گؤیدن ایلهام آلالی سیرری سماواتا دییه رسه ن
هله آغ کورکو بورون، یازدا یاشیل دون دا گییه رسه ن
قورادان حالوا یییه رسه ن
دؤشلرینده سونالار سینه سی تک شوخ ممه لرده
نه سرین چئشمه لرین وار
او یاشیل تئللری، یئل هؤرمه ده آینالی سحه رده
عیشوه لی ائشمه لرین وار
قوی یاغیش یاغسا دا یاغسین
سئل اولوب آخسا دا آخسین
یانلاریندا دره لر وار
قوی قلم قاشلارین اوچسون فره لرله، هامی باخسین
باشلاریندا هئره لر وار
سیلدیریملار، سره لر وار
لوطفا ادامه مطلبه باخین
اوستاد شهریار
ادامه مطلب ...
ساوالان
اوچور ایلهامیم او قوشلار کیمی کی
یاز وعده سینده
قووزانیر ماوی گؤیه تا اوجا باش بیر داغا قونسون
کؤرپه قارتال کیمی دیر
گاه چکیلیر گرزده ن ایتینجه ک
اگله نیر گاه ساوالان عشقینه – آغدان – آغاقونسون
هر اوجا داغ کی گؤرورسن باشی قاردلا آغاراندی
اورا بیل کی ساوالاندی
آمما یوخ !
هر اوجا داغ سسیمی السا دا تئز قئیته ره جکدی
سسی قئیته رمک همان یئل بیله جکدی
آخی یئل یولچودو گئتگین اوکی سؤز ساخلایا بیلمز
یئل سؤزو قاپدی قاچیردار اونو کیم هاخلایابیلمز
یئل گئدرگیندی پیچیللارسؤزوکوللار قولاغیندا
سؤزو قربان ائله یر قیرنادا قانقال آیاغیندا
لوطفا ادامه مطلبه باخین
اوستاد هوشنگ جعفری
ادامه مطلب ...آغ آتیم
آت قدمین یورتما یئری
آش تپه لردن
سیلدیریم تک سره لر دن
سئله سینمیش دره لردن
بو نه طوفاندی گوزل گهلیگیمی ایستیر آییرسین فره لردن
غیرتیم جوشه گلیر غملی خبر دن
آغ آتیم قورخما خطر دن!
ادامه مطلبه باخین
اوستاد هوشنگ جعفری
بنفشه!
یارین نوباریسان بیزیم دیاردا
قیوریم تئللرینی سانا، بنفشه!
من سنی سئومیشم بیر ایلک بهاردا
کونلومی وئرمیشم سانا، بنفشه!
سنسن ازل گوندن منیم سرداشیم
گوزوندن آیریلسین آخار گوز یاشیم
گووده مین اوستونده دورماییر باشیم
بوراندا بوینونی یانا، بنفشه!
چیخمیشام سیرینه می لی، مزه لی
حیراندر حسننه ائللر گوزه لی
کونلوم اویلاغینی یاخین گزه لی
چوخلاری کوسندی مانا، بنفشه!
اوزونده گوردیگیم نه انتظار دیر؟
قلبینده واقفین سری می واردیر؟
گل اوندان سوز آچما، ایندی بهاردیر
باغریمی دوندرمه قانا، بنفشه!
بوینونی کج بورما گل ایننن بئله
من سنه سوز قوشوم، سن منی دینله
وورغونون شعریله، سنین حسننله
طبیعت گله جک جانا، بنفشه!
لزگی قیزی
اتگینی چیرمیه رک
سامور چایدان کچنده سن
خفیف- خفیف اسه ن کولک
ئوپدی سنین گل اوزوندن
کونول دئدی: دایان بیر آز
او دلبیرین سیرینه دال
دئدیم تورا یاخین دورماز
اوچی گورموش اورکک مارال
آچدی خیال یلکنینی
سامور چایین باش بندینه
اورک دئدی: باغلار منی
او گوزلرین کمندینه
گلیب چخدین سن ساحله
آیاغینی ئوپدی چمن
نه من گلدیم، نه سن دیله
بودا کچدی عمریمیزدن
سن عمرینین گنج یاشیندا
آددیمینی سایا- سایا
گلیب کچدین داغ باشیندا
توستولنن بیر کومایا
اورک قالدی یانا- یانا
ایلک گوروشدن آیریلدیق بیز
سن او یانا، من بویانا
قالدی آیاق ایزلریمیز
صمد وورغون
دیوانه دور
شیرین حدیثین هر سؤزی مین گوهر یکدانه دور
انوارینا شمع روخون آییله گون پروانه دور
اوزون دور اول تابان قمر ، کانوار تابیندان اونون
خورشید و ماهین مشعلی دایم توتوشموش یانه دور
دؤرونده عینین ساغری صاحب طریقت سالکین
پیر مغان اولدی آدی سر حلقه میخانه دور
تسبیح ایله سجاده نی الدن بوراخ ای متقی
شول زولف و خالین باخ اون گؤرکی نه دام و دانه دور
عاشقلرین جانانه سی حقدور ، حقه وئر جانینی
نچونکی جانسیز قالیسیز اول جان کی بی جانانه دور
عشقین حدیثین گل ائشیت افسانیه وار اویما کیم
قرآنی ساتان واعظین نقلی اوزون افسانه دور
دوشمز خمارین رنجینه وحدت میندن تا ابد
چون مست حق کی ساقی سی شول نرگس مستانه دور
شول صورت رحمانه اول ساجد کی مردود اولمادی
اول اهل حق کی سجده سی شول صورت رحمانه دور
عارف گؤرندی ربنی گل ربنی گؤر عارف اول
محبوب اولان حقدن بوگون شیطانیلن بیگانه دور
مشگین ساچین زنجیرینه ، دوشدی نسیمی ای صنم
زنجیر زولفون قصدینه صید اولمویان دیوانه دور